Namana/Amis/Friends

lundi 5 décembre 2011

Hay ve ka nisy (Mireille)

Cliquez ici pour voir d'autres chants de Mireille

Hay ve ka nisy
Raozy nokoloinao naniry tamiko
Fa ny foko no nandà tsy hamokatra intsony
Nefa tsy kivy ianao

Hay koa ve nisy
Finiavana hikarakara taminao
Fa ny saiko no ninia tsy ahafantatra ireny
Fony naha-teo anao

Fa lasa ianao vao tsapako
Nony indro ianao tsy tazako
Injay nilentika lalina am-poko ao
Lalim-paka 'lay raozinao

Fa teo ianao tsy hitako
Niteny ianao tsy reko koa
Taitra ianao ninia natory irery aho
Taitra avy eo aho nilaozanao

Raha mbola misy
Zay voatahiry tamiko ao anatinao
Ento ahy fa hokoloiko ireo hiroborobo
Toy izay nataonao ahy

Raha mbola ao koa
Lay dikan-teny hoe "tia" ambetin-dresakao
Ento aty f'izay vao fantatro
Ny tena heviny nolazainao taloha

Fa lasa ianao vao tsapako
Nony indro ianao tsy tazako
Injay nilentika lalina am-poko ao
Lalim-paka 'lay raozinao

Fa indro tsy hay kosehina ao
Am-poko ilay fitiavanao
Ka ny hany faniriako dia izao
Mandrakizay ho ahy ianao

Aucun commentaire:

Enregistrer un commentaire

Related Posts Plugin for WordPress, Blogger...

Suivi des nouveaux articles par mail